यस नगरपालिकाका नगर प्रमुख मोहन बहादुर बस्नेतको अध्यक्षतामा आ.व.२०८०/०८१ को वार्षिक प्रगति समिक्षा कार्यक्रम सम्पन्न भएको छ । उक्त कार्यक्रममा नगरपालिकाका विभिन्न शाखाहरुबाट र वडा कार्यालय तथा अन्तर्गतका विभिन्न शाखाहरुबाट एक आर्थिक वर्षभरि गरिएका विविध कार्यहरुको समिक्षा गरिएको थियो । जसमा सम्बन्धित शाखा प्रमुखहरुले कार्य प्रगतिहरु प्रस्तुत गर्नुका साथै नगर प्रमुख बस्नेतले यस किसिमको समिक्षाले आगामी कार्यहरुको मार्गदर्शन गर्न सघाउ पुग्ने र यसलाई निरन्तरता दिने कुरा बताउनु भएको थियो । प्रारम्भमा प्रशासकीय प्रमुख सुमन अधिकारीले कार्यक्रम माथि प्रकाश पार्नुभएको थियो । कार्यक्रममा उप-प्रमुख श्री सुशिला अधिकारी, प्रमुख प्रशासकीय अधिकृत श्री सुमन अधिकारी, वडाध्यक्षहरु, वडा सदस्यहरु, कार्यपालिकाका सदस्यहरु, शाखा प्रमुखहरु, कर्मचारीहरु तथा पत्रकारहरुको उपस्थिति रहेको थियो ।